Սահմանադրական Դատարանին մէջ սկսաւ ՙԿուտակային կենսաթոշակների մասին՚ օրէնքի կարգ մը կէտերու սահմանադրականութեան հարցի քննութիւնը:



Դիմումը դատարան ներկայացուցած են չորս ոչ իշխանական ուժերն ու ՙԴէմ եմ՚ նախաձեռնութեան անդամները: Անոնց հիմնական պահանջը պարտադիր կուտակային համակարգի պարտադիր բաղադրիչը հակասահմանադրական նկատելն է:



Միւս կողմէ ճերմակ ու թափանցիկ ժապաւէններով փակելով աչքերը` ՙԴէմ եմ՚ նախաձեռնութիւնը լուռ ու խորհրդանշական ցոյց մը կատարեց Սահմանադրական Դատարանին դիմաց:


Նախաձեռնութեան պատասխանատուները յայտնեցին, թէ Սահմանադրական Դատարանին որոշումէն կախեալ պիտի ըլլայ իրենց յաջորդ քայլը: